විඳින්නට රස පහස
බොහෝ කලකින් නොමවිඳි
දඟකරයි මස් දළු
පුපුරු ගසනා තන පුඩු
හෙලන සුසුමට ගොදුරුව
කොට්ටයද ගිනි ගත්තත්
තනිය රැකුමට යහනේ
හිඳී එය නුඹෙ සුවඳ සමඟින්
කොහා සපැමිණ හඬගා
හති වැටී පියඹා ගියත්
හිමියනේ නො ආ වග අවුරුද්ද
කියනු ඇත නුඹ පැමිණ විටකදි
සැරසිලා සිටි පිපෙන්නට
සිඟිති එරබදු කැකුළිය
සැලි සලී ඉකිගසයි
නුඹෙ දෙතොලෙ දඟකාර හුරතලය සිහිපත්ව
උතුරනා සෙනේ ගඟ
වියලෙන්න ඉඩ නොදී
අලුත් අවුරුද්දත් අරන්
එන්න මා හිමියනේ වෙසක් මාසයේවත්
©සාගර රත්නායක | 13-04-2016
No comments:
Post a Comment